21 май 18:13
Янгиликлар
Бокс/ММА
Собиқ UFC жангчиси автоҳалокат оқибатида вафот этди
Америкалик аралаш яккакураш устаси Жин Эррера 34 ёшга тўлишига саноқли кунлар қолганида йўл транспорт ҳодисаси туфайли оламдан кўз юмди.
Ходиса якшанба оқшомида Тампа шаҳридаги (Флорида, АҚШ) Ганди кўпригида юз берган. Флорида йўл ҳаракати ва транспорт хавфсизлиги бўлими маълумотига кўра, мотоциклни бошқараётган Эррера жуда юқори тезликда бошқа машинага бориб урилган.
Маҳаллий ОАВ маълумотларига кўра, Эррера шундан сўнг бетон панжарага тўқнашган ва ўнлаб метрга учиб кетган. Мотоцикл эса ёниб кетган. Жин воқеа жойида вафот этгани маълум қилинган.
Маълумот учун, Жин Эррера Калифорнияда туғилган, профессионал фаолиятини 2011 йилда бошлаган. У UFC'да тўртта жанг ўтказган. Фаолияти давомида ММАда 10 та ғалаба ва 3 та мағлубият қайд этган.
Ҳавола :
Манба : МатчТВ
Фикрлар