Теннисчи қизларимиз "Билли Жин Кинг кубоги"даги иштирокларини ғалаба билан бошлашди

Мусобақада Ўзбекистон аёллар терма жамоаси ҳам иштирок этяпти. Мамлакатимиз шарафини Севиль Юлдашева, Нигина Алимова, Фотима Маҳмудова ва Кейра Ким ҳимоя қилмоқда.

Кеча вакилаларимиз мусобақадаги илк ўйинида кортга чиқиб, Шри-Ланка устидан 2:1 ҳисобида ғалаба қозонишди. Яккалик баҳсларида Нигина Алимова Юанса Пейрисни 6:1/6:3, Севиль Юлдашева Динара Де Сильвани 6:1/6:3 ҳисобида мағлуб этиб, жамоамизга муҳим икки очкони тақдим этди.

Жуфтликлар учрашувида эса Кейра Ким ва Фотима Маҳмудова рақибларига қарши муносиб қаршилик кўрсатишди, бироқ учрашув тақдирини ҳал қилган супер тай-брекда имкониятни бой беришди — 3/6, 7/5, 8/10.

Эртага теннисчиларимиз бир куннинг ўзида учта ўйинда қатнашади:

Хитой Тайпейига қарши;

Лаосга қарши;

Малайзияга қарши.