Собиқ UFC жангчиси июнь ойидан бери учинчи марта ҳибсга олинди

Бу ҳақда ММА Fighting хабар бермоқда. Манбага кўра, Пенья 22 ноябрь куни ҳибсга олинган. Унга нисбатан зўравонлик, уйдаги зўравонлик, безорилик ва танага шикаст етказиш каби бир нечта айбловлар қўйилмоқда. 

Июнь ойида у севгилисини калтаклаш ҳамда талон-тарож қилганликда айбланиб қамалган, октябрда эса уйдаги зўравонлик ва бирданига икки аёлни калтаклагани учун яна ҳибсга олинган. Октябрь ойида ҳибсга олинганидан кейин эса, UFC жангчи билан ҳамкорликни тўхтатишга мажбур бўлганди.

Луис Пенья UFC'даги сўнгги жангини шу йилнинг апрель ойида ўтказган. Ўшанда у Алекс Муньосни мағлуб этганди. Ҳаммаси бўлиб у промоушенда саккизта жанг ўтказиб, бештасида ғалаба қозонган.