07 сен 23:01
Янгиликлар

Теннис

Соболенко қаторасига иккинчи йил ҳам US Open 1/2 финалига чиқди

Теглар : Каролина Плишкова Арина Соболенко

Сайёрамизнинг олтинчи ракеткаси АҚШ Очиқ чемпионатининг ярим финал иштирокчисига айланди.

Беларуслик теннис маликаси бироз аввал якунига етган 1/4 финал учрашувида WTA рейтингида 22-ўринни эгаллаб турган чехиялик Каролина Плишковани 6/1, 7/6(4) ҳисобида мағлубиятга учратди.

Саксон икки дақиқа давом этган баҳсда Соболенко 7 та, Плишкова 1 та эйс зарбасини амалга оширган. Теннисчиларнинг ўзаро учрашувларида Арина ҳисобда олинга чиқиб олди - 3:2.

Соболенко қаторасига иккинчи йил ҳам US Open 1/2 финалида ўйнайдиган бўлди. Бу унинг "Катта Дубулға" турнирларидаги учинчи ярим финали (бир бор "Уимблдон-2021" 1/2 финалига ҳам етиб келганди).