Соболенко - уч карра Wuhan Open чемпиони!

Мусобақа бош соврини қаторасига иккинчи йил ҳам Арина Соболенкога насиб этди. Беларуслик теннис маликаси ҳал қилувчи финал учрашувида WTA рейтингида еттинчи ўринни эгаллаб турган хитойлик Чжэн Циньвэнни уч сет натижасига кўра мағлубиятга учратди - 6/3, 5/7, 6/3.

Теннисчиларнинг ўзаро учрашувларидаги ҳисоб янада йириклашди - 4:0. Икки соату 41 дақиқа давом этган баҳсда Соболенко 7, Чжэн 5 та эйс зарбасини амалга оширди. Қўшхатолар Чин юрти вакиласи етти баробар кўп бўлди - 8 га 1. Брейклар бўйича устунлик Арина томонида - 7 га 5! 

Соболенко ушбу турнирда учинчи маротаба бош соврин соҳибасига айланди. У 2018-2019 йилларда ҳам чемпион бўлган эди. У бир ҳафталик меҳнатидан 1000 рейтинг очкоси ҳамда 525 минг 115 АҚШ доллари ишлаб олди. Чжэн эса 650 очко ва 309,280 АҚШ долларига эга чиқди.