06 сен 09:28
Янгиликлар
Теннис
Соболенко - US Open илк финалчиси!
Cайёрамизнинг иккинчи рақамли теннис маликаси Арина Соболенко "Катта Дубулға" туркумига кирувчи АҚШ Очиқ чемпионатининг илк финалчисига айланди.
Беларуслик теннисчи бугун 1/2 финалда рейтингнинг 12-поғонасида бораётган америкалик Эмма Наваррони 6:3, 7:6 (7:2) ҳисобида мағлубиятга учратди. Тўқсон уч дақиқа давом этган баҳсда Соболенко 8 та эйс, 3 та брейк пойнт қайд этиб, 5 та қўшхатога йўл қўйди.
Арина Соболенконинг финалдаги рақибаси айни дақиқаларда давом этаётган Жессика Пегула (АҚШ) – Каролина Мухова (Чехия) учрашувида аниқланади. Аёллар ўртасидаги US Open турнирининг амалдаги ғолибаси америкалик Кори Гофф ҳисобланади. Соболенко ўтган йили финалда айнан Корига ютқазиб қўйганди.
Ҳавола :
Манба : championat.com
Фикрлар