06 ноя 15:14
Янгиликлар

Теннис

Соболенко йилни дунёнинг биринчи ракеткаси сифатида якунлайди

"Катта Дубулға" турнирларининг уч карра ғолибаси фаолиятида илк бор мавсумни сайёрамизнинг биринчи рақамли теннис маликаси сифатида тугатади.

Бу ҳолат польшалик Ига Свёнтекнинг Якуний WTA турнири гуруҳ босқичининг иккинчи учрашувида америкалик Коко Гоффга имкониятни бой бериб қўйганидан сўнг ойдинлашди. Ига Якуний турнирни мағлубиятсиз ўтказиб, чемпион бўлган тақдирдагина яна биринчи ракеткага айланиб олиши мумкин эди.

Маълумот учун, Арина Соболенко йилнинг биринчи ракетка сифатида якунлайдиган дунёнинг 16-теннисчига айланади.