15 ноя 18:51
Янгиликлар

Самбо

Соҳибжон Ҳасанбоев: «Кейинги жаҳон чемпионатида олтин медаль олишга ваъда бераман»

Жанговар самбо бўйича -88 кг вазн тоифасида Соҳибжон Ҳасанбоев олтин медаль учун кечган баҳсда россиялик Магомед Магомедовга имкониятни бой бериб қўйди.

Вакилимиз жангдан сўнг қисқа интервью берди.

«Насиб қилса, кейинги жаҳон чемпионатларига янада жиддий тайёргарлик кўриб олтин медални қўлга киритишга ваъда бераман. Чемпионат давомида иккинчи ҳамда финал жанглари мен учун қийинроқ бўлди. Бизни қўллаб-қувватлаб турган барча юртдошларимизга, мураббийларимизга миннатдорчилик билдираман. Ҳаммага раҳмат», - деди кумуш медаль соҳиби.

Эслатиб ўтамиз, самбочиларимиз жаҳон чемпионатида 11 та медаль қўлга киритиб, умумжамоа ҳисобида иккинчи ўринни эгаллашди.