Соҳил самбоси бўйича Жаҳон чемпионати санаси ва регламентлари маълум бўлди

Баҳслар 28-29 август кунлари Кипрнинг Ларнака шаҳрида ташкил этилади. Мусобақа 2020 йилда ўтказилиши лозим эди. Аммо коронавирус билан боғлиқ юзага келган вазият сабаб чемпионат қолдирилганди. Бу йилги баҳсларда антиковид қоидаларига алоҳида риоя қилинади. 

Баҳслар яккалик ва жамоавий тарзда ўтказилади. Биринчи кунда яккалик беллашувлари ўтказилади. Эркаклар ўртасида 4 та, аёллар ўртасида ҳам 4 та вазн тоифасида медаллар учун кураш олиб борилади. 

Эркаклар: 58 кг, 71 кг, 88 кг, +88 кг.

Аёллар: 50 кг, 59 кг, 72 кг, +72 кг.

Иккинчи куни эса жамоавий мусобақалар ўтказилиши кутилмоқда. Аралаш жамоаларда эркаклар (71 кг, 88 кг, +88 кг) ва аёллар (72 кг, +72 кг) баҳсларга киришади.