Сондерс ўзини пичоқбозликда айблашганига жавоб қайтарди

Ўрта вазнда собиқ WBO чемпиони Билли Жо Сондерс ўзининг Инстаграм саҳифасида уни пичоқ билан зарар етказишга урингани борасидаги маълумотлар юзасидан фикр билдирди.

Эслатиб ўтамиз, ноябрь ойи охирларида интернетда Билли Жо Сондерс уч нафар ёш йигитлар билан жанжаллашгани ҳақида материаллар пайдо бўлганди. Йигитларнинг отасининг сўзларига кўра, боксчи жанжал пайти пичоқ чиқариб йигитлардан бирининг қўлига шикаст етказган. Шундан сўнг, бошқа бир йигитнинг пешонасига тўппонча тираган.

"Мен тармоқларда айланиб юрган видео ҳақида биламан. Ушбу нарса менга катта айбловлар қўймоқда. Аммо, буларнинг бари қуруқ сафсата.

Бироқ, бу ишга қайсидир маънода полиция аралашиши ҳам мумкин. Адвокатим бу воқеага ҳеч қандай изоҳ бермаслигимни маслаҳат берди. Агар полиция мен билан боғланадиган бўлса, бундан жуда бахтли бўлардим", - деб ёзади боксчи.