Спорт гимнастикачиларимиз Осиё чемпионати совриндори, Париж-2024 лицензияси эса Филиппинга кетади

Мусобақанинг илк куни ҳамюртларимиз катталар ўртасидаги жамоавий дастурда бронза медалини қўлга киритишди.

Баҳслар давомида Дилдора Арипова, Лобар Амруллаева, Александра Шевченко ҳамда Одинахон Робижонова юртимиз шарафини ҳимоя қилишди. Олтин медал Хитой жамоасига насиб этган бўлса, КХДР вакиллари шоҳсупанинг иккинчи поғонасидан жой олдилар.

Қайд этиш жоиз, ортда қолган кун яккалик йўналишида ўйналган Париж-2024 лицензияси филиппинлик Эмма Малабуёга насиб этди.