08 апр 10:31
Янгиликлар

Спорт курашлари

Спорт курашчиларимиз учун допинг мавзусида семинар ўтказилди

Бугун Ўзбекистон спорт курашлари ассоциацияси терма жамоалар мураббийлари ва спортчилари учун долзарб мавзу - допинг масаласида семинар ташкил этилди.

Ўзбекистон Республикаси Вазирлар Маҳкамаси ҳузуридаги Миллий Антидопинг Агентлигининг Антидопинг таълим дастурлари бўлими бошлиғи доцент З.Ю.Газиева, бош мутахассис Л.О.Эгамбердиева ва Допинг синовларини режалаштириш ва АДАМС мониторинги бўлими бошлиғи Н.И.Азаматовалар томонидан ўтказилган семинар мураббий ва курашчиларимиз учун ҳар томонлама фойдали бўлди.

"Допинг ва унинг спортчи организмига таъсири" мавзусида ўтказилган семинарда Елена Абаева бошчилигидаги Ўзбекистон спорт курашлари ассоциацияси шифокорлари, шунингдек, 54 нафар спортчи ва 10 нафардан зиёд мураббийлар иштирок этишди. Улар мавзу юзасидан ўзларини қизиқтирган саволларга атрофлича жавоб олишди.