Спорт курашчиларимизга допинг масаласида тушунтириш берилди

Допинг можараси сабаб катта мусобақалардан бир неча йилга четда қолаётган ва ҳатто не машаққатлар билан қўлга киритилган Олимпиада медалидан мосуво бўлаётган спортчилар етарлича топилади. Куни кеча Ўзбекистон Миллий олимпия қўмитасида ўтказилган тадбир доирасида шахсан Рустам Шоабдураҳмонов ҳам ушбу мавзуга алоҳида тўхталиб ўтган эди.  

Шундан келиб чиққан ҳолда Ўзбекистон спорт курашлари ассоциацияси ташаббуси билан ҳам махсус тадбир ташкил этилди. Унда соҳанинг тажрибали мутахассиси Елена Абаева курашчиларимизга допинг мавзусида маъруза қилиб берди, тушунтириш ишларини олиб борди. 

Таъкидлаш жоиз, допинг масаласи ҳукумат назоратида бўлиб турибди. Бу борада муҳтарам Президентимиз ўтган йилнинг 4 сентябрь куни ўтказган видеоселектор йиғилишида ҳам алоҳида огоҳлантириб ўтган эдилар.