Спорт мактабида санитария ва гигиенага қатъий амал қилинади ФОТОРЕПОРТАЖ

Хусусан, вилоят жисмоний тарбия ва спорти бошқармаси тасарруфидаги Чироқчи туман 1-сонли болалар-ўсмирлар спорт мактабида ҳам карантин чораларига қатъий амал қилиниаётганига гувоҳ бўлишингиз мумкин.  

Спорт мактабига кириш ва чиқиш жойида  қулай ва талабга мос зарарсизлантирувчи “дезинфекция туннели” ўрнатилган. Шунингдек, кириш йўлагида пирометрлар, антисептик воситалар ва дезинфекцион “тушак”лари билан таъминланган.

Бундай чоралар бир томондан коронавирус инфекциясининг кенг тарқалашини олдини олишга, спорт мактаби ходимлари ва тарбияланувчиларининг карантин даврида саломатлиги муҳофазасини қатъий таъминлашга қаратилганлиги билан аҳамиятлидир.  

– Ҳудудий санитария-эпидемиология осойишталик маркази билан ҳамкорликда карантин тартиб-қоидаларига амал қилинмоқда, - дейди  Чироқчи туман 1- БЎСМ директори Фарҳод Жуманов. – БЎСМда мавжуд биноларимиз дезинфекция қилинмоқда, кириш ва чиқиш жойларда керакли  дезинфекция воситалари билан таъминланган.  Ҳар бир ишчи-ходимларимизни тиббий ниқоб ва тиббий қўлқоплардан фойдаланиши, уларни тана ҳароратларини ҳам ўлчаб, санитария ва гигиена қоидаларига тўлиқ риоя қилинган ҳолатда фаолият олиб бормоқдамиз.   

Айтиш жоиз, айни пайтда Чироқчи туманидаги мазкур 1-БЎСМда 2860 нафар ўғил-қизлар бўлиб, уларга 60 нафар тренерлар устозлик қилишади. 

Илҳом РАҲМОНОВ тайёрлади, ўз мухбиримиз