Спорт соҳаси мутасаддилари Жиззахдаги мактабларга ташриф буюрди

Хусусан, Жиззах вилояти Фориш туман 5-умумтаълим мактабига Ўзбекистон давлат жисмоний тарбия ва спорт университети ректори Маҳмуджон Болтабоев, университетнинг ёшлар билан ишлаш бўйича проректори Шерзод Мирзанов, ЎзДЖТСУ ўқитувчилари, белбоғли кураш бўйича уч карра жаҳон чемпиони Зоҳид Ортиқов ва бокс бўйича мураббий Юрий Серебряков ташриф буюришди.

Спорт соҳаси мутасаддилари томонидан мактабда жисмоний тарбия дарслари ва спорт тўгараклари фаолиятини самарали ташкил қилиш бўйича услубий тавсиялар берилди. Ўз навбатида ўқувчиларнинг ҳудудда спортни оммалаштириш бўйича фикр ва таклифлари тингланди.

Шу кунни ўзида муассасада Ўзбекистон давлат жисмоний тарбия ва спорт университети ректори кубоги учун ўқувчилар ўртасида волейбол бўйича мусобақа ўтказилди. Ғолиб ва совриндорлар университет раҳбарияти томонидан эсдалик совғалар билан тақдирланишди.