Спорт таълим муассасалари тарбияланувчилари масофавий машғулотларни давом эттирмоқда

Шу сабабли Жисмоний тарбия ва спорт вазирининг тегишли буйруғига биноан, барча спорт таълим муассасалари масофавий ишлаш тизимига ўтказилган.

Юртимиздаги барча спорт таълим муассасалари тарбияланувчилари карантин қоидаларига риоя қилган ҳолда уй шароитида спорт машғулотларини давом эттиришмоқда. Шунингдек, спортчилар ҳар куни мураббийлар билан масофавий мулоқотда бўлиб, соғлиқлари бўйича маълумот бериб бормоқда.

Спорт билан шуғулланиш ёки ҳар куни жуда бўлмаганда ярим соат жисмоний машқларни бажариш ва фаол бўлиш, турли касалликларга нисбатан иммунитет ҳосил қилади, қон айланиш жараёнини тезлаштиради, руҳан мустаҳкамликка эришишга ёрдам беради, танада ортиқча ёғлар ҳосил бўлиши, демакки семиришнинг олдини олади. Бу эса ҳозирги пайтда жуда ҳам муҳимдир.