03 дек 11:40
Янгиликлар

Бошқалар

Спорт вазири Адҳам Икрамов Халқаро Олимпия қўмитаси президенти Кирсти Ковентри билан учрашди (ФОТО)

Шу кунларда Корея Республикасининг Пусан шаҳрида Бутунжаҳон антидопинг агентлиги (WADA)нинг VI Бутунжаҳон конференцияси ўтказилмоқда.

Осиё минтақасида илк бор ташкил этилаётган ушбу конференцияда Ўзбекистон Республикаси Спорт вазири Адҳам Икрамов ҳамда Ўзбекистон Миллий антидопинг агентлиги директори Абдушукур Садиков иштирок этмоқда.

Конференция кун тартибидан 2027 йилда кучга кириши режалаштирилган янги таҳрирдаги Бутунжаҳон антидопинг кодекси муҳокамаси ҳам ўрин олган.

Аҳамиятлиси, Адҳам Икрамов конференция доирасида WADA президенти Уитольд Банка, шунингдек, Халқаро Олимпия қўмитаси президенти Кирсти Ковентри ҳамда ХОҚ фахрий президенти Томас Бах билан учрашди.