Спорт вазири Кўкдалага борди

Спорт вазирига Кўкдала туман ҳокими X.Жўраев ҳамда вилоят Спорт бошқармаси бошлиғи В.Рўзиев ҳамроҳлик қилди. Вазир бундан ташқари спортчиларнинг машғулотлар билан шуғулланиш жараёнлари ҳам кўздан кечирди.

Шунингдек, Қарши олимпия ва паралимпия спорт турларига тайёрлаш марказида Спорт вазирлиги томонидан берилган замонавий тиббиёт ускуналари билан жиҳозланган тиббиёт ва реабилитация бўлимида олиб борилаётган ишлар ҳам ўрганилди. У ерда спортчи-ўқувчиларга тиббий хизмат кўрсатиш бўйича амалга оширилган ишлар юзасидан масъуллар билан мулоқот ўтказилди.

Кейинги манзилда Қашқадарё вилоят футбол академияси ўрганилиб, у ердаги қурилиш жараёнлари, иншоотларни жиҳозлаш бўйича пудратчи ташкилот масъуллари билан қурилиш ишларини ўз вақтида ва сифатли якунлаш масалалари муҳокама қилинди.

Бундан ташқари, Спорт вазири вилоят Яккакураш спорт турларига ихтисослаштирилган спорт мактабида бўлиб, мактаб инфратузилмаси ва ўқувчи-спортчилар учун яратилган шароитлар билан танишиб, улар юзасидан масъулларга тегишли топшириқлар берди.