Спортчи қизлар Зулфия номидаги Давлат мукофоти билан тақдирланди

Ўзбекистон Республикаси Президенти Шавкат Мирзиёев мамлакатимизда мўътабар аёл зотини улуғлаш, хотин-қизларнинг жамиятдаги ўрни ва нуфузини ошириш, орзу-интилишларини қўллаб-қувватлаш, ўзининг иқтидори ва ибратли фаолияти билан ёшларга ўрнак бўлиб келаётган, турли соҳа ва тармоқларда қобилият ва имкониятларини рўёбга чиқараётган, ижтимоий ҳаётда фаоллик ва ташаббускорлик кўрсатаётган қизларни муносиб рағбатлантириш мақсадида махсус фармонни имзолади.

Фармонга мувофиқ бир гуруҳ қизлар Зулфия номидаги Давлат мукофоти билан тақдирланди. Унга кўра, спорт соҳасида бир қатор ютуқларни қўлга киритган қизларимиз ҳам ушбу мукофотга лойиқ кўрилди:

Сапарова Ситора Шайдулло қизи - Навоий вилояти Хатирчи туманидаги 5-умумий ўрта таълим мактабининг 11-синф ўқувчиси;

Азимова Дилафрўз Аламхон қизи - Тошкент давлат иқтисодиёт университетининг 4-босқич талабаси (Наманган вилояти);

Усманова Нуриниссо Олимовна - Самарқанд давлат университетининг 1-босқич талабаси;

Тоғаймуродова Шахноза Шухрат қизи - Тошкент шаҳри Сергели туманидаги 300-ихтисослаштирилган умумий ўрта таълим мактабининг 11-синф ўқувчиси.

Мамлакатимизда азиз ва мўътабар аёл зотига муносиб эҳтиром кўрсатиш, опа-сингилларимизнинг давлат ва жамият ҳаётида тутган ўрни ва нуфузини ошириш борасида ҳукуматимиз томонидан эътирофга арзигулик ишлар амалга оширилаяпти.

Ишонамизки, юртимизнинг иқтисодий қудрати ва жаҳон миқёсидаги мавқеини юксалтириш борасида хотин-қизларимиз бундан кейин ҳам ўз хизматлари билан улкан ҳисса қўшишади.