Спортда допингга қарши кураш бўйича йиғилиш ўтказилди

Ўзбекистон Миллий антидопинг агентлиги ЮНЕСКО ташкилотининг Спортда допингга қарши кураш Халқаро Конвенциясига Шарқий ва Марказий Европа давлатлари Миллий мувофиқлик платформалари раҳбарлари билан Иккинчи онлайн маслаҳат йиғилишида иштирок этди.

Йиғилишда 40 дан ортиқ мамлакатларда Конвенция талабларига риоя этилиши юзасидан хулосалар берилди. Хусусан, Ўзбекистонда антидопинг хизмати жадал ривожланиб келаётгани сўзга олиниб, шу билан бирга мамлакатимиз Конвенцияни имзолаган давлат сифатида миллий антидопинг агентлигининг ташкилий тузилмаси, ходимлар сони ва молиялаштириш хажмига оид мажбуриятларини тўлиқ бажариши учун имкониятлар излаши  зарурлиги таъкидлаб ўтилди.