Спортни оммалаштиришда халқаро тажрибадан фойдаланиш масаласи муҳокама қилинди

Учрашувда томонлар икки томонлама спорт бўйича алоқаларни янги босқичга олиб чиқиш ва спортни янада оммалаштириш юзасидан фикр алмашишди. Шунингдек, спортни тарғиб қилишда спортга илмий методик ёндашув ҳамда бу борада мутахассисларни кўпайтириш масаласи ва уларнинг маҳорат даражаларини яхшилаш борасида икки томонлама ҳамкорлик масаласи кўриб чиқилди.

Учрашувда томонлар спортнинг нафақат халқаро майдондаги ютуқлар учун, балки ҳар бир инсоннинг саломатлиги учун зарурий омил эканлигини алоҳида қайд этишди. Бу борада аҳолининг кенг қатламларини спортга жалб этиш ва уларга зарурий шароитлар яратиб берилиши масалалари муҳокама этилди.

Спортни оммалаштиришда Европа тажрибасидан фойдаланиш, уларнинг бу борада амалга оширган ишларини яқиндан ўрганиш ва амалиётга татбиқ этиш борасида томонларнинг фикрлари тингланди. Бу борада Диана Реклайтене хоним охирги 20 йил ичида спортни оммалаштириш ва спорт соҳасида арзирли ютуқларга эришиб келаётган Исландия ва Финьландия тажрибасидан фойдаланишни таклиф сифатида киритди.

Учрашув якунида Элбек Шукуров Ўзбекистон Давлат Жисмоний тарбия ва спорт университети ва Литва спорт университети ўртасида яқиндан ҳамкорликни йўлга қўйган ҳолда университет билан узоқ муддатли алоқалар ўрнатиш ва Ўзбекистонда қўшма факултетлар очиш таклифини билдирди.