Срна Хорватия терма жамоасидаги фаолиятини якунлади

“Францияда давом этаётган Евро – терма жамоадаги сўнгги мусобақам. Ҳаммага раҳмат айтмоқчиман. Мен терма жамоада бошқа ўйнамайман. Энди асосий вақтимни оиламга бағишлайман. Шунингдек, “Шахтёр”даги фаолиятимга ҳам эътибор қаратаман. Катта футболдаги фаолиятимни айнан шу ерда якунламоқчиман”, - деди Срна.

34 ёшли футболчи Хорватия терма жамоаси таркибида 134та учрашувда майдонга тушган. Португалияга қарши 1/8 финал доирасида ўтказилган ўйин унинг терма жамоадаги сўнгги учрашуви бўлди.