Стефанос Циципас Янник Синнерни мағлуб этиб, Australian Open'нинг ярим финалига чиқди

Жаҳоннинг тўртинчи ракеткаси Стефанос Циципас турнирнинг чорак финалида АТР рейтингида 10-ўринни эгаллаб турган италиялик Янник Синнерни мусобақадан чиқариб юборди.

1 соат 56 дақиқа давом этган учрашувда Циципас рақибини 6/3, 6/4, 6/2 ҳисобида мағлуб этди. Ўйин давомида Стефанос тўртта эйс, иккита қўшхато ва тўртта брейк-пойнтни қайд этган бўлса, Янник тўртта эйс амалга ошириб, бир марта қўшхатога йўл қўйди. Спортчиларнинг ўзаро учрашувларида Циципас орадаги фарқни оширди, 3:1. 

Australian Open'нинг ярим финалида Греция вакили россиялик Даниил Медведев ёки канадалик Феликс Оже билан тўқнаш келади.