21 сен 09:27
Янгиликлар

Стол тенниси

Стол теннисчиларимиз Грузияда навбатдаги медалларни қўлга киритишди

Аввал хабар берганимиздек, Грузиянинг Батуми шаҳрида стол тенниси бўйича "Youth Contender" халқаро мусобақаси бўлиб ўтмоқда.

Ўзбекистонлик стол теннисчилар мазкур мусобақада яна иккита медалга эга чиқишди.

Дастлаб, Элеонора Шириева 11 ёшгача (U-11) бўлган спортчилар тоифасида бронза медалини қўлга киритди. 15 ёшгача (U-15) спортчилар ўртасида ўтказилган беллашувларда эса Аружан Камалова ярим финалгача етиб келди ва терма жамоамиз ҳисобига бронза медалини қўшиб қўйди.

Қайд этиш жоиз, Аружан бир кун олдин U-13 баҳсларида кумуш медалига эга чиққан эди.

Шундай қилиб, Ўзбекистон терма жамоаси Грузиядаги "Youth Contender" мусобақасини 3 та медаль билан якунлади.