13 окт 09:38
Янгиликлар

Теннис

St.Petersburg Open. Стэн Вавринкада иродали ғалаба

Россиянинг Санкт-Петербург шаҳрида теннис бўйича ушбу ҳафтага белгиланган нуфузли мусобақанинг асосий тўр баҳслари старт олди.

Швейцариялик теннисчи Стэн Вавринка турнирдаги иштирокини иродали ғалаба билан бошлади. Дунёнинг 18-ракеткаси 2 соату 31 дақиқа давом этган учрашувда рейтингнинг 35-поғонасидан жой олган британиялик Дэниэл Эвансни таслим этди, - 3/6, 7/6(3), 7/5.

Баҳс давомида 35 ёшли Стэн 7 та, 30 яшар Дэниэл эса 4 та эйс зарбасини амалга оширди. Швейцариялик ракетка устаси ўзаро учрашувлардаги ҳисобни йириклаштирди - 4:0. Энди у St.Petersburg Open иккинчи даврасида россиялик Евгений Донскойга қарши кортга чиқади.