Сузиш ва сув полоси бўйича “Очиқ эшиклар куни”

Федерация ҳавзасида ушбу тадбирнинг сузиш ва сув полосига бағишланган иккинчи қисми бўлиб ўтди.

Тадбирда ҳар икки йўналишда терма жамоамизнинг етакчи спортчилари меҳмонлар учун ўз маҳоратларини намойиш қилишди. Шубҳасиз, бунда ёш сузувчилар профессионал спортчилардан ўзлари учун қимматли маслаҳатлар олиш билан бирга улар билан эсдалик учун суратга тушиб олиш имкониятига ҳам эга бўлишди. 

Таъкидлаш жоиз, ўтказилаётган ушбу “Очиқ эшиклар куни” дастури юртимизда оммавий спорт ва соғлом турмуш тарғиботини янада кучайтириш учун хизмат қилмоқда.