29 янв 16:37
Янгиликлар

Сув спорти турлари

Сузувчиларимиз РОЗМИда йиғин ўтказишмоқда

Ҳозирда сузиш бўйича Ўзбекистон терма жамоасининг икки вакили Токио-2020 Олимпия ўйинлари нормативини бажарган.

Шубҳасиз, терма жамоамиз бу билан чекланиб қолмоқчи эмас. Спортчиларимиз ҳозирда Республика Олимпия захиралари мактаб интернатида йилнинг илк ўқув-машғулот йиғинини олиб боришмоқда.

11 январь куни бошланган ушбу йиғин бир ой давом этади. Машғулотлар мобайнида мураббийлар спортчиларимизнинг техник-тактик жиҳатларини яхшилаш устида ишлашмоқда. Зеро, 2020 йил ноябрь ойида ўтган сузиш бўйича Ўзбекистон очиқ кубоги атлетларимизнинг қайси жиҳатлари устида ишлар кераклигини кўрсатиб берган эди.

Йиғинга 10 нафар спортчи ва 2 мураббий жалб қилинган бўлиб, апрель ойида ўтадиган лицензион Ўзбекистон очиқ чемпионати ва бошқа халқаро мусобақаларга тайёргарлик вазифасини ўтаб беради.