11 фев 15:17
Янгиликлар
Таэквондо
Светлана Осипова Париж-2024 Олимпиадасидан кейинги илк мусобақасидаёқ тенгсиз бўлди, "Фужайра Опен-2025"да иштирок этган барча аёл спортчиларимиз ғолиб ва совриндорлар қаторидан жой олди
Кеча Бирлашган Араб Амирликларининг Фужайра шаҳрида таэквондо WТ бўйича G2 таснифидаги "Фужайра Опен" мусобақасининг катталар ўртасидаги беллашувларига якун ясалди.
Кун давомида аёллар ўртасидаги баҳслар ўтказилди.
Унда Ўзбекистон шарафини олти нафар таэквондочи — Мадина Шониёзова, Зуҳра Тожиматова, Дилноза Тангирова, Шаббона Абдувалиева, Озода Собиржонова ҳамда Светлана Осипова ҳимоя қилди.
Қувончлиси, якунда барча вакилаларимиз шоҳсупадан жой олди. Терма жамоа аъзолари 1 та олтин ва 5 та бронза медалларига эга чиқишди.
Олтин:
Светлана Осипова (+73 кг).
Бронза:
Мадина Шониёзова (46 кг)
Зуҳра Тожиматова (46 кг)
Лайло Хасанова (49 кг)
Шаббона Абдувалиева (57 кг)
Озода Собиржонова (67 кг).
* 73 кг вазн тоифасидаги спортчи Полина Хан жароҳати сабаб мусобақани ўтказиб юборди.
Шундай қилиб, терма жамоамиз мусобақани жами 9 та медаль (2 та олтин, 1 та кумуш ва 6 та бронза) билан якунлади.
Ҳавола :
Манба : olamsport.com
Фикрлар