UZ

Сўнгги янгиликлар

10:43ФОТО Дунёнинг энг ажойиб стадионлари - "Энфилд" 0 10:21Намаюнас - Андраде реванш жанги санаси тасдиқланди 0 09:57Спорт фидоийси Шерзод Тошматовни табриклаймиз! 0 09:33Биринчи МДҲ ўйинларининг ўтказилиш муддати ўзгарди 0 09:08Гризманн Қатардаги мундиалдан кейин MLSга кетади 0 08:44Шарафланган UFC жангчисини автомобиль босиб кетди 0 08:19Олимпия ўйинлари афсоналари: «Шамол ўғлони» 0 07:38Бу йил «Олимпия куни» нишонланадими? 0 07:05АПЛ тарихидаги энг тезкор гол муаллифи жамоаси билан янги шартнома имзолади 0 20:22BREAKING NEWS. Россия клуби Жасур Жалолиддиновни деярли 1 миллион еврога сотиб олмоқчи 0 19:55“Яшил” ҳудудларга спорт қайтмоқда 0 19:32Мингта чипта етти дақиқада сотиб юборилди 0 18:51«Жанглар орол»ида илк UFC кечаси қачон бўлиши маълум 0 18:29Роналду ва Месси коронавирус пандемияси пайтида қанча пул ишлаб олишгани маълум бўлди 0 18:07Matchplay 120. Куннинг сўнгги натижалари 0

02 сен 14:40
Янгиликлар

Таэквондо

Светлана Осипова: "Таэквондога кириб келишим мутлақо тасодифан содир бўлган"

Ёпиқ иншоотлардаги Осиё ўйинларида кумуш, Ислом бирдамлик ўйинларида бронза, Осиё ўйинларида ҳам бронза медалларини қўлга киритган Светлана Осипова айни кунларда Чиба Гран-присига тайёргарлик кўрмоқда.

Ўзбекистон таэквондо WTF ассоциацияси матбуот хизмати у билан суҳбатлашди. 


- Таэквондога кириб келишингиз қандай содир бўлгани ўқувчилар учун қизиқ. 

- Мен спортга тасодифан келиб қолганман. Ёшлигимда катта теннисга борардим. Бир куни машғулотни томоша қилиб турганимда, бир киши ёнимга келиб ўзимни таэквондода синаб кўришни маслаҳат берди. Аммо бу таклифни жиддий қабул қилганим йўқ. Маълум муддатдан сўнг ўша мураббий яна келди яна таклиф қилди. Шунда унинг олдида бироз ноқулай бўлдим ҳамда дадам билан бирга таэквондо машғулотига боришга қарор қилдим. 


- Биринчи мураббийингиз ким бўлган? 

- Биринчи мураббийим Пахлавон Собиров. Юқоридаги мураббий ҳам у эди. Айнан унинг чўрткесарлиги туфайли ҳам мен таэквондо спорт турига келганман. Бугунги кунда ҳам Пахлавон аканинг қўл остида ўқув-машғулот йиғинида иштирок этаяпман. 


- Нима учун айнан таэквондо? 

- Биринчи бор машғулотга борганимда таассуротларим улкан бўлган ва хатто бироз қўрққанман ҳам. Ахир бошга бериладиган зарбалар бу ҳазил нарса эмас. Бундан ташқари ўғил болалар қизлар билан бирга машғулот ўтказишарди ва хатто спарринг ҳам тушишарди. Бу нарсалар мен учун жуда ҳам ғалати бўлганди. 


- Спортдаги энг олий орзуингиз нима? 

- Исталган спортчининг орзуси каби Олимпиада ўйинларида ғолиб бўлиш. Аммо у ерга чиқиш учун бор кучингизни ишга солиш керак, баъзи зарарли одатлардан қутулиш лозим. Қатъий режимга амал қилиш ҳамда тартибга риоя қилиш керак. 


- Спортчиларда алоҳида таомнома бўлади. Таэквондочиларга нималар мумкин эмас? 

- Кўп ҳолларда машғулот базасида яшаймиз. Бу ерда бизга тайёрлаб берилган овқатларни еймиз. Баъзилар оғирлигини бир меъёрда ушлаб туриш учун диета тутишади. Аммо ҳамма эмас. Спортчиларга фастфудлар, газланган ичимликлар ва бошқа зарарли овқатлар мумкин эмас, аммо баъзида уларни ейишни жуда ҳам хоҳлайман (кулади). 



- Таэквондодан ташқари яна қайси спорт турларига қизиқасиз? 

- Юқорида айтганимдек таэквондога қадар катта теннис билан шуғулланганман. Ундан олдин эса гимнастикага ва дзюдога борганман. Барча спорт турлари ўзига яраша қизиқ ва жозибадор. Асосийси ўзингизга ёқадиган иш билан шуғулланиш. 


- Ҳозирга қадар юртимиз таэквондочилари Олимпиада ўйинларида медаль қўлга кирита олишмаган. Нима деб ўйлайсиз ушбу бўшлиқни ёпиш вақти келмадими? 

- Ўзбекистон таэквондо WTF ассоциацияси раҳбарияти ва таэквондо терма жамоаси ушбу натижага эришиш учун бор кучи билан меҳнат қилмоқда. 


- Энди спортга ёки таэквондога кириб келаётган ёшларга қандай маслаҳат берасиз?

- Агар нимадир ўхшамаса руҳан тушмаслик ва кўпроқ ишлашда, ҳаракат қилишда давом этиш лозим.


Ўзбекистон таэквондо WTF ассоциацияси матбуот хизмати

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг