Светлана Осипова: "Украиналик спортчилар билан тажриба алмашдик"

5 январда бошланган мазкур йиғин 31 январь куни якунига етди. Ушбу йиғинда қатнашган Светлана Осипова Ўзбекистон таэквондо WT ассоциацияси матбуот хизматига ўз фикрларини билдирди. 

"Йиғин ажойиб ўтди деб бемалол айта оламан. Январь ойидаги йиғинда мураббийларимиз асосий эътиборни жисмоний ҳолатимизни яхшилашга қаратишди. Деярли бир ойга яқин вақт давомида шуғулландик ва бўлажак халқаро мусобақаларга тайёрландик. Тўғрисини айтсам уйдагиларни жуда соғиндим. 

Украиналик таэквондочилар ҳам биз билан бирга йиғинда қатнашишди. Улар жуда тажрибали ва кучли спортчилар экани кўриниб турди. Бир-биримиздан билмаган нарсаларни ўргандик, тажриба алмашдик. Энди бизни спарринглар кутмоқда, демак янада қизиқарли йиғин ва машғулотлар олдинда", - дейди Светлана Осипова.