Свитолина 27 апрель куни старт оладиган турнирда иштирок этади + ФОТО

Табиийки, Mutua Madrid Open турнири виртуаль тарзда ўтказилади. Свитолинадан ташқари, аёллар ўртасидаги баҳсларда Анжелик Кербер, Карла Суарес Наварро, Кристина Младенович, Эжени Бушар, Виктория Азаренко, Кики Бертенс, Фиона Ферро, Мэдисон Киз ва Йоханна Конта ҳам қатнашади.

Эркаклар ўртасидаги турнирда эса Рафаэль Надаль, Александр Зверев, Энди Маррей, Карен Хачанов, Гаэль Монфис, Давид Гоффен, Фабио Фоньини, Жон Изнер, Люка Пуй, Диего Шварцман каби ракетка усталари иштирок этиш истагини билдиришган.

Ҳар бир турнирдаги 16 иштирокчи 4 та гуруҳга ажратилади. Ҳар бир квартетда дастлабки икки ўринни эгаллаган теннисчилар чорак финалга йўл олади. Мадрид турнири 27-30 апрель кунлари бўлиб ўтади. Виртуаль турнирдан тушган маблағ коронавирус пандемиясидан азият чекаётган инсонлар учун сарфланади.