16 май 10:17
Янгиликлар

Теннис

Свитолина 5 йилликнинг энг ёмон натижасини қайд этди

Украиналик теннис маликаси Элина Свитолина Рим турнирининг илк учрашувидаёқ мағлубият аламини тотиб кўрди.

Элина иккинчи давра баҳсида беларуслик Виктория Азаренкога имкониятни бой берди. Свитолина ушбу турнирнинг амалдаги ғолибаси эди.

Эътиборга молик жиҳати шундаки, украиналик теннисчи сўнгги 5 йилдаги энг ёмон натижасини қайд этди. У кетма-кет 4 та учрашувда мағлубиятга учради. Свитолина сўнгги бор март ойида Индиан-Уэллсдаги турнир доирасидаги учрашувда ғалаба қозона олганди.