Свитолина China Open турнири 1/4 финалига чиқди

Сайёрамизнинг учинчи рақамли теннис маликаси Элина Свитолина China Open турнирининг чорак финалига йўл олди. Украиналик теннисчи учинчи давра учрашувида америкалик София Кенинга қарши кортга чиқди. 

Элина 2 соату 29 дақиқа давом этган баҳсда рейтингнинг 16-поғонасидан жой олиб турган рақибасини 6/3, 6/7(8), 6/3 ҳисобида таслим этди. Свитолина 13 та эйс зарбани йўллашга муваффақ бўлди. Теннисчиларнинг ўзаро ўйинларидаги мувозанат тикланди - 2:2. Энди Элина чорак финалда голландиялик Кики Бертенсга қарши баҳс олиб боради.