22 мар 16:45
Янгиликлар

Теннис

Свитолина Miami Open турниридаги юришини бошлади

АҚШнинг Майами шаҳрида теннис бўйича нуфузли Miami Open турнири бўлиб ўтмоқда.

Дунёнинг 22-ракеткаси бўлиб турган Элина Свитолина илк даврада рақибасини сезмади. Украиналик теннис маликаси WTA рейтингида 45-поғонада бораётган швейцариялик Белинда Бенчичга ҳеч қандай имконият қолдирмади - 6/1, 6/2.

Теннисчиларнинг ўзаро учрашувларидаги ҳисоб Элина фойдасига ўзгарди - 3:2. Етмиш уч дақиқа давом этган баҳсда Свитолина 4, Бенчич 3 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича мутлақ устунлик Элина томонида - 5 га 0!

Энди Элина Свитолина Miami Open 1/16 финалида чехиялик Каролина Муховага қарши кортга чиқади.