Свитолина "Ролан Гаррос" 1/4 финалига чиқди

Аёллар ўртасидаги мусобақада сайёрамизнинг бешинчи ракеткаси Элина Свитолина муваффақиятли одимлаяпти. Украиналик теннис маликаси нимчорак финал учрашувида рейтингнинг 45-поғонасидан жой олган франциялик Каролин Гарсияни мағлуб этди - 6/1, 6/3.

Бир соату 3 дақиқа давом этган учрашувда ҳар икки теннисчи ҳам биттадан эйс зарбани амалга оширишган. Ўзаро учрашувларда эса ҳамон Гарсия олдинда бормоқда - 3:2. Энди Элина чорак финалда чехиялик Барбора Крейчиковадан устун келган Надя Подорошкага қарши кортга чиқади.