Свёнтек WTA тарихида мукофот пули қўлга киритиш бўйича кучли учликка кирди

Свёнтекнинг фаолияти давомида биргина турнирларда эга чиққан мукофот пуллари 40 миллион 523 минг 198 долларга етди. У бу йилги мавсумда 7,4 млн доллар ишлаб топди. Ушбу сумманинг тахминан 4,05 млн доллари "Уимблдон"даги чемпионлигига тўғри келади.

WTA тарихидаги бу бўйича рекорд Серена Уильямсга тегишли. Америкалик теннисчи фаолиятида давомида 94 миллион 816 минг 730 доллар ишлаб топган. Иккинчи ўринни унинг опаси Винус Уильямс 42 648 578 АҚШ доллари билан банд этган.

Топ-10`таликдан руминиялик Симона Халеп ($ 40 236 618), россиялик Мария Шарапова ($ 38 777 962), беларуслик Виктория Азаренко ($ 38 532 860), чехиялик Петра Квитова ($ 37 454 150), даниялик Каролин Возняцки ($ 36 441 868), беларуслик Арина Соболенко ($ 36 082 811) ҳамда германиялик Анжелика Кербер ($ 32 519 180) жой олган.