23 окт 15:38
Янгиликлар

Теннис

Swiss Indoors Basel. Зверев кутилмаганда иштирокини якунлади

Швейцариянинг Базель шаҳрида теннис бўйича ATP турнири давом этмоқда.

Дунёнинг олтинчи ракеткаси Александр Зверев мусобақанинг илк даврасидаёқ мағлубият аламини тотиб кўрди. Германиялик теннисчи кутилмаганда илк давра учрашувида америкалик Тэйлор Фритцга ютқазиб қўйди - 6/7(4), 4/6.

Учрашув 1 соату 24 дақиқа давом этган. 22 ёшли Зверев 8, рейтингнинг 31-поғонасидан жой олган 21 ёшли Тэйлор эса 14 та эйс зарбасини амалга оширган. Бу теннисчиларнинг ўзаро ўтказган учинчи учрашуви эди. Зверев илк бор мағлубиятга учради. Фритц Swiss Indoors Basel турнирининг иккинчи босқичида австралиялик Алекс Де Минаурга қарши кортга чиқади.