Таэквондо. 2025 йилги Жаҳон чемпионати мезбони эълон қилинди

Бутунжаҳон таэквондо ассоциацияси мусобақа мезбонлигини Хитойнинг Уси шаҳрига топширди.

Аслида, 2021 йилги Жаҳон чемпионати Уси шаҳрида ўтказилиши керак эди, бироқ COVID-19 пандемияси туфайли ушбу мусобақа бекор қилинган эди. Эндиликда таэквондо оламидаги ушбу йирик шаҳар 2025 йилги мундиални ўзида қабул қиладиган бўлди.

Эслатиб ўтамиз, катталар ўртасидаги сўнгги Жаҳон чемпионати 2023 йилнинг 29 май - 6 июнь кунлари Озарбайжоннинг Баку шаҳрида ўтказилганди. Ушбу мусобақада терма жамоамиз 1 та кумуш ва 3 та бронза медалини қўлга киритган эди.