Таэквондо бўйича катталар ўртасидаги Осиё чемпионати июнь ойига кўчирилди

Пандемия туфайли аслида 2020 йил бўлиб ўтиши керак бўлган катталар ўртасидаги Осиё чемпионати 2021 йилнинг апрель ойига кўчирилганди. Осиё таэквондо федерацияси мусобақани июнь ойига кўчириш ҳақида қарор қабул қилди. 

Ҳисоб бўйича 24-марта ўтказиладиган қитъа биринчилигига Ливан мамлакати мезбонлик қилади. Энди Осиё чемпионати 16-18 июнь кунлари оралиғида бўлиб ўтади. Баҳслар Байрут шаҳридаги "Ноухад Науфал" спорт мажмуасида ўтказилади. 

Қитъа чемпионатида ўғил болалар ва қиз болалар 8тадан вазн тоифасида медаллар учун кураш олиб боришади. 

Маълумот учун, Ўзбекистон терма жамоаси ҳозирга қадар катталар ўртасидаги Осиё чемпионатида 6та олтин, 5та кумуш ва 18та бронза, жами 29та медални қўлга киритган. 

Ўзбекистон таэквондо WT ассоциацияси матбуот хизмати