Таэквондо бўйича Ўзбекистон терма жамоасида янги тажрибали шифокор иш бошлади

Павел Ли 1976 йилнинг 5 апрель куни Ўзбекистонда туғилган. 1993-2000 йилларда Тошкент педиатрия тиббиёт институтида ўқиган. Фитотерапия, чуна, фармакопунктура, акутомия йўналишларида мутахассис ҳисобланади. 

2001-2003 йилларда "Шин-Шифо" клиникасида кафедра мудири, 2007-2016 йилларда Ўзбек-Корейс дўстлиги шарқий касалхонасида бўлим бошлиғи, 2016-2019га қадар йилдан буён эса Корея маданият маркази ассоциациясида шифокор-консультант сифатида фаолият олиб борган. 2011 - 2017 йиллар ичида 5 маротаба ("Шарқий тиббиёт", "Фармопунктура", "Фитотерапия", "Акутомия. Кириш", "Акутомия")  Корея Республикасида малака ошириб қайтган. Энди Павел Ли таэквондо терма жамоаси шифокори сифатида фаолият олиб боради. 

Ўзбекистон таэквондо WTF ассоциацияси матбуот хизмати