07 июн 11:52
Янгиликлар

Таэквондо

Таэквондо. Бугун Рим Гран-Приси старт олади: Турсунқулова бошлаб беради

Бугун Италиянинг Рим шаҳрида таэквондо бўйича нуфузли Гран-При турнири старт олади.

Аввалроқ хабар бериб ўтганимиздек, баҳсларда ўзбекистонлик таэквондочилар ҳам иштирок этишмоқда. Бугун ҳамюртларимиз мусобақадаги чиқишларини бошлашади. Бугунги кун дастурида -67 кг вазнли спортчимиз Нигора Турсунқулова баҳсларда қатнашади. У илк даврада украиналик рақибасига қарши даянга чиқади.

Маълумот учун, ушбу мусобақа Токио Олимпиадаси лицензияси учун очколарни тақдим этади. Мусобақа олтин медаль соҳиби шунингдек 5000 АҚШ долларига ҳам эга бўлади. Иккинчи ўринга 3000 АҚШ доллари тақдим этилса, бронза медали соҳиблари 1000 доллардан пул мукофоти ишлаб оладилар.

Рейтинг очколари эса мос равишда 40, 24 ва 14.4 очкодан тақсимланади.