10 окт 15:19
Янгиликлар
Таэквондо
Таэквондо. Мадинабону Маннопова "Тайюань Гран-При"си бронза медалини қўлга киритди!
Хитойнинг Тайюань шаҳрида таэквондо WT бўйича катталар ўртасидаги Гран-При мусобақаси старт олди.
Мусобақанинг илк кунида Ўзбекистон терма жамоасининг икки нафар аъзоси - Мадинабону Маннопова ҳамда Чарос Қаюмова баҳсларга киришди.
Аҳамиятлиси, -49 кг вазндаги Мадинабону Маннопова мусобақанинг бронза медалини қўлга киритди. У дастлаб, туркиялик Рукие Йилдиримни, нимчорак финалда эса марокашлик Омайма Эл Бучтини ҳамда чорак финалда саудиялик Дуня Али Абуталебни мағлубиятга учратди. Ярим финал босқичида эса хитойлик рақибига имкониятни бой бериб қўйди ва бронза медали соҳибасига айланди.
Чарос Қаюмова эса мусобақани 1/16 финал босқичида якунлади.
Аввалроқ, ҳар икки таэквондочи Осиё ўйинларида бронза медалини қўлга киритган эди.
Ҳавола :
Манба : t.me/uzbtaekwondowt
Фикрлар