02 ноя 18:12
Янгиликлар
Таэквондо
Таэквондо. Нигора Турсунқулова "Катта дубулға" саралашида бронза медалига сазовор бўлди
Хитойнинг Уси шаҳрида Катта дубулға мусобақасининг II очиқ саралаш баҳслари давом этмоқда.
Бугун мусобақанинг иккинчи кунида беш нафар спортчимиз иштирок этди.
Қувонарлиси -67 кг вазн тоифасида ҳамюртимиз Нигора Турсунқулова бу мусобақада ярим финалга қадар етиб борди. Бронза медали учун баҳсда Турсунқулова ғалабага эришди ва Катта дубулға мусобақаси финал босқичига йўлланмани қўлга киритди! Энди Турсунқулова 18-20 декабрь кунлари Уси шаҳрида бўлиб ўтадиган Катта дубулға мусобақасида иштирок этади ва Олимпиада йўлланмаси учун курашади.
Бугунги баҳсларда Феруза Содиқова, Улуғбек Рашитов ва Жасур Жайсунов чорак финалга қадар етиб борди. Ниёз Пўлатов эса дастлабки баҳсда имкониятни бой бериб қўйди
Ўзбекистон таэквондо WT ассоциацияси матбуот хизмати
Ҳавола :
Фикрлар