Таэквондо. "Turkish Open". Катталар тоифасида 4та медаль қўлга киритдик

Дастлабки кунда катталар тоифасидаги жанглар бўлиб ўтди. +73кг вазн тоифасида ҳамюртимиз Светлана Осипова мусобақа давомида барча рақибаларини мағлуб этди ҳамда олтин медалга эга чиқди. -68кг вазн тоифасида ўзбекистонлик Жасурбек Жайсунов ҳамда -49кг вазнда Мадинабону Маннопова кумуш медалларни қўлга киритишди. -63кг вазн тоифасида ҳамюртимиз Улуғбек Рашитов ярим финалга қадар етиб борди ва бронза медалига эга чиқди. 

"Туркиш Опен" мусобақасининг биринчи кунида совриндор бўлган таэквондочиларимиз: 

Олтин медаль - Светлана Осипова 

Кумуш медаль - Мадинабону Маннопова

Кумуш медаль - Жасурбек Жайсунов 

Бронза медаль - Улуғбек Рашитов 

Маълумот учун, 4 февраль куни ўсмирлар, 5 февралда кадетлар тоифасида жанглар бўлиб ўтади. 

Ўзбекистон таэквондо WT ассоциацияси матбуот хизмати