Таэквондо WT: Нияз Пўлатов жаҳон чемпионатининг кумуш медали соҳиби

Мусобақада иштирок этаётган ўзбекистонлик таэквондочилар бугун яна бир медалга эга чиқишди. 

-63 кг вазн тоифасида юртимиз шарафини ҳимоя қилган Нияз Пўлатов мусобақа давомида Озарбайжон, Миср, Эрон, Хорватия ва Испания вакилларидан устун келди ва финалгача борди. Хал қилувчи жангда эса хитойлик Лианг Юшуаига имкониятни бой бериб, кумуш медалга эга чиқди. 

Бу Ўзбекистон терма жамоаси учун ушбу жаҳон чемпионатидаги тўртинчи медаль бўлди. Бунгача Светлана Осипова олтин, Никита Рафалович ва Феруза Содиқова бронза медалларини қўлга киритганди. Ўзбекистон ушбу мусобақада таэквондо бўйича жаҳон чемпионатларида энг яхши натижасини кўрсатмоқда.