Таэквондочиларимиз учун ADAMS тизимида ишлаш бўйича семинар ўтказилди

Куни кеча МОҚда Халқаро антидопинг агентлиги томонидан йўлга қўйилган ADAMS тизимида ишлашни янада пухта йўлга қўйиш бўйича ўтказилган йиғилишда МОҚ раиси томонидан спортчиларимиз учун бу борада алоҳида семинарлар ташкил қилиш бўйича топшириқ берилган эди. Кеча ушбу топшириққа асосан Ўзбекистон таэквондо WT ассоциациясида спортчиларимиз учун ана шундай тадбир ташкил қилинди.

Семинарни Миллий антидопинг агентлигининг мазкур йўналиш бўйича малакали мутахассиси Нигора Азаматова олиб борди. Унда спортчиларимиздан Токио-2020 Олимпиада лицензиати Н.Рафалович, шунингдек, лицензион мусобақага тайёрланаётган Д.Шокин, Н.Турсунқулова, С.Осипова каби спортчиларимиз, МОҚ ҳамда ассоциация мутасаддилари иштирок этишди. Тадбирда Азаматова ушбу тизимнинг ишлаш механизми, ўзига хос жиҳатлари, талаблари ҳақида батафсил гапириб ўтди.

Таъкидлаш жоиз, яқин вақт ичида бундай семинарлар Олимпия ўйинларига тайёрланаётган барча жамоаларимизда олиб борилади.