08 окт 08:05
Янгиликлар
Таэквондо
Тарихий натижа қайд этган таеквондочиларимиз Тошкентда кутиб олинди
Тошкент халқаро аэропортида 1-6 октябрь кунлари Корея Республикасининг Чунчеон шаҳрида таэквондо WТ бўйича ёшлар ўртасидаги жаҳон чемпионатида иштирок этган Ўзбекистон ёшлар терма жамоаси делегацияси кутиб олинди.
Унда ассоциация раҳбарияти вакиллари қатнашиб, тарихий натижа қайд этган ёш спортчи ва мураббийларни муборакбод этишди.
Дунёнинг юздан ортиқ давлатидан 1000 нафардан зиёд спортчи иштирок этган Жаҳон чемпионатида Ўзбекистон ёшлар терма жамоаси ҳам муваффақиятли иштирок этиб, 1 та олтин ва 1 та бронза медалига эга чиқди. Дилмуроджон Маъруфжонов барча рақибларидан устун келган ҳолда олтин медални қўлга киритган бўлса, Беҳруз Салимов бронза медалига эга чиқди.
Йигитларимиз умумжамоа ҳисобида барча терма жамоалар орасида учинчи ўринни эгаллаганини ҳам алоҳида таъкидлаш жоиз.
Ҳавола :
Манба : olamsport.com
Фикрлар