30 сен 11:01
Янгиликлар
Хоккей
"Tashkent Select" мағлубиятли сериясини давом эттирмоқда
Ўзбекистоннинг "Tashkent Select" хоккей клуби Қозоғистон ёшлар чемпионати доирасида навбатдаги ўйинларини ўтказди.
Жамоа шу кунларда Қозоғистоннинг Уст-Каменогорск шаҳрида бўлиб турибди. У ерда "Tashkent Select" шаҳарнинг бош хоккей жамоаси — "Топредо"нинг ўринбосарларига қарши ўйинлар сериясини ўтказмоқда.
Сўнгги икки кун ичида ташкил этилган ҳар икки учрашувда қозоғистонликларнинг қўли баланд келди. Дастлабки ўйинда 7:2 ҳисоби қайд этилган бўлса, кеча ўтказилган баҳсда 11:2 ҳисобида "Торпедо" ёшлари зафар қучди.
Маълумот ўрнида, тошкентликлар чемпионатда ҳозирга қадар 6 та ўйинда музга чиқишди ва уларнинг барчасида рақибларига имкониятни бой беришди.
Ҳавола :
Манба : olamsport.com
Фикрлар