"Tashkent Select" Қозоғистон чемпионати доирасида КХЛ клуби "Барис"нинг фарм жамоаси билан ўйнади

Мусобақада илк бор иштирок этаётган Ўзбекистоннинг "Tashkent Select" жамоаси бу сафар амалдаги чемпион — "Барис"га қарши музга чиқди.

Ўйин 9:2 ҳисобида қозоғистонликларнинг ғалабаси билан якунланди. "Tashkent Select" голларига ака-укалар — Эрик ва Богдан Гайниахметовлар муаллифлик қилишди. Эртага соат 16:00 да жамоалар ўртасидаги иккинчи ўйин ўтказилади.

Маълумот ўрнида, тошкентликлар Қозоғистон ёшлар чемпионати жадвалида 7 та ўйиндан сўнг очкосиз ҳолатда 13 та жамоа орасида сўнгги ўринни банд этиб туришибди.