12 мар 18:20
Янгиликлар
Спорт курашлари
Тасмурадов меҳмонлар учун қўй гўштидан ош дамлади + ФОТО
Тошкент вилоятининг Ангрен шаҳарчасида жойлашган "Янгиобод" спорт базасида юнон-рум кураши бўйича Ўзбекистон ва Қирғизистон терма жамоаларининг халқаро ўқув-машғулот йиғини бўлиб ўтмоқда.
Кунига икки маҳалдан ўтказилаётган ва 27 мартга қадар давом этадиган ушбу йиғин ҳар икки терма жамоа аъзоларига 9-11 апрель кунлари Қозоғистоннинг Алмати шаҳрида ўтказиладиган Токио Олимпиадаси учун Осиё лицензион турнирига тайёргарлик босқич вазифасини ўтаб беради.
Бугун тушга Рио Олимпиадаси совриндори, беш карра Осиё чемпиони Элмурат Тасмурадов қирғизистонлик курашчилар ҳамда куни кеча юртимизга меҳмон бўлиб келган арманистонлик юнон-рум кураши афсонаси, Олимпиада совриндори, жаҳон ва Европа чемпиони Арам Жулфалакян шарафига ош дамлади.
Ҳавола :
Манба : olamsport.com
Фикрлар